جەلال مەلەكشا | Jalal Malaksha | جلال ملکشا

– درۆ –

درۆ

 

 

به ‌ئه‌م هه‌وره‌ قسره

نه ‌ئاسمان ئه‌زێت و

نه ‌قاقڕ به ‌شینکه ‌ئه‌خه‌مڵێ

گوڵم! وا مه‌نۆڕە

له ‌نیسێ به‌ ئه‌و لاوه ‌نینه

تریشقه‌ش ئه‌گه‌ر بێ

وه‌کووو ده‌وڵه، به‌س ده‌نگه، بۆشه!

ئه‌من شه‌و نه‌خه‌وتم

هه‌تا ژوانی پیلان

له‌ سرته‌ و چپه‌ی گه‌رده‌لوول و هه‌ور تێگه‌یشتم

دژی خاک ئه‌دوان

گوڵم! وا مه‌نۆڕە‌

درۆیه، فریوێکی نوێیه

له‌چاویان وه‌شێره‌

چ بۆن و به‌رامه‌ت له‌کۆشه!

 

5/4/1370 – June 26, 1991

جەلال مەلەکشا - جلال ملکشا - Jalal Malaksha