– یادگار –

یادگار

 

 

لە داوەتی کچ و کوڕێکی پێشمەرگە

ئەنگووستیلەیەکیان ھێنا بۆ قامکی زاوا

وتیان ھانێ!

لە ئەنگوستی چکۆلەتی کە

زاوا وتی: نا، لە قامکی چکۆلەی ناکەم

دۆشاومژە بۆ کلکەوانە شیاوە

چونکە ئەم قامکە پیرۆزە

لە سەر زیتەی تفەنگەکەم

بە ھەزاران داگیرکەری خاکی نیشتمانی ڕاو ناوە!

بووکیش وتی:

منیش تارای سەرم دەبێ

تان و پۆکەی چنراو لە کاڵای ڤیان بێ

دیواخەکەم

یادگاری قازی محەمەد

ئاڵای بەرزی کوردستان بێ!

 

١٠/١٠/١٣٨٤ – January 30, 2006

جەلال مەلەکشا - جلال ملکشا - Jalal Malaksha