– پرسیار –
پرسیار
کێ به‌ر هه‌تاوی گرتووه
ئه‌ی بۆ گوڵێ ناپشکوێ
ئه‌ی ئه‌م به‌فره پڕ له کرمه
بۆ هه‌تا دێ زیاد ئه‌کا و ناتوێته‌وه؟!
وه‌رزی ساردی سیاساڵه
به گوڕين و هه‌وره‌‌تریشقه نه‌بێ هه‌رگیز
قوفڵی ژە‌نگ گرتووی ئه‌م ده‌رکه
ناکرێته‌وه
کام ده‌ستی ڕە‌ش
قژی تاریکی شه‌وگاری
بۆ ڕایه‌خی خه‌وی ئه‌م خاکه ڕستووه
گه‌رووی زه‌وی گرێ‌چنه
هه‌ناسه‌ی خاک حه‌په‌ساوه
کێ ده‌روازه‌ی ساڵی تازه‌ی داخستووه!
12/1/1371 – April 1, 1992
جەلال مەلەکشا - جلال ملکشا - Jalal Malaksha
