– گۆرانی –
گۆرانی
دڵداره‌که‌م
بۆ من مه‌گری…
ڕاسته ئێستا،
له من دووری، له تۆ دوورم
به‌ڵام گیانه!
به شوێن ده‌نگ و ڕە‌نگی ونبووی خۆما وێڵم.
دڵنیا به
تاشه‌به‌ردێ نیشتمان و
تاڵی قژی تۆ به دنیا ناگۆڕمه‌وه
هه‌رگیز، هه‌رگیز، کوردستان و خه‌یاڵی جێ ناهێڵم!
تۆ له شاری، من له کوێستان
هه‌ر شه‌و کاتێ
به شریخه‌ی ده‌نگی تفه‌نگ ڕاچڵه‌کای
ئه‌وه منم،
له کوێستانا
له ناو باخچه‌ی کوردستانا
گوڵی سه‌ربه‌ستی ئه‌ڕوێنم
گۆرانی عیشق و ئازادی،
بۆ کوردستان
بۆ تۆی ئازیزم ئه‌خوێنم!
چیای هه‌ورامان
1359 – 1980
جەلال مەلەکشا - جلال ملکشا - Jalal Malaksha
