– کاره‌سات –
کاره‌سات
باڵنده‌یه‌ک
چرپاندی به گوێی گوڵێکدا
گوڵه گیان!
له‌چکه سه‌وزه‌که‌ت نه‌ختێ لاده
با خونچه‌ی ده‌م
تاسه‌ی ئه‌وینم بشکێنێ
ئاونگی شه‌رم
به سه‌ر گۆنای گوڵدا خوشی
وتی شێته!
ها… ئه‌و هه‌وره چۆن ده‌ڕوانێ؟
حه‌یام ده‌چێ
ئارام بگره تا سبه‌ینێ!
هه‌ور گوێی لێ بوو
نه‌ڕڕه‌ی گوڕبن
شریخ و هۆڕی خسته باخ و
بوو به‌ته‌رزه
ده‌مه‌و به‌یان
که باڵنده هات بۆ جێژوان
چه‌ند دڵۆپی خوێنی سوور و
سێ چوار تیکه له‌چک مابوو
له ئه‌و گوڵه باڵابه‌رزه
21/2/1371 – May 11, 1992
جەلال مەلەکشا - جلال ملکشا - Jalal Malaksha
