– په‌ڵه‌نگ و مانگ –
په‌ڵه‌نگ و مانگ
په‌ڵه‌نگ له سه‌ر چیای ئاوات
له‌گه‌ڵ تریفه‌ی مانگه‌شه‌وا
یاری ئه‌کرد!
دنیا پڕ بوو له خه‌یاڵ و حه‌ز و تاسه
گوڕتاوی شه‌م بۆ په‌پووله
سرته‌ی ماسی له‌گه‌ڵ ڕووبار
خورپه‌ی دڵی گوڵه‌باخ و
چرپه‌ی پای هه‌نگ.
له‌ناکاوا…
هه‌ڵزنایه باڵای چیا
شریخه‌ی تفه‌نگ
ڕوخساری مانگ هه‌ڵپڕووکا
له ئامێزی سووری چیا
بوو به ئاسۆی هاواری خوێن
گڵکۆی په‌ڵه‌نگ.
1366 – 1987
جەلال مەلەکشا - جلال ملکشا - Jalal Malaksha
