– ده‌رفه‌ت –
ده‌رفه‌ت
من زۆر له غه‌ریبی ده‌ترسم
وه‌ره با باوه‌شت بکه‌م به نیشتمان
به وه‌رزی زریاندا ڕە‌ت ده‌بم
هه‌تا دێم هه‌ستمه‌وه
شه‌پۆلێ به سه‌رما ده‌ڕووخێ
ئه‌مخاته گێژە‌نی بێ‌ئامان!
هه‌تا چاو بڕ ئه‌کات
شه‌پۆل و گێژاوه
ده‌ست کورتتر له‌وه‌م که…
له پاپۆڕ دانيشم
به‌له‌می هیواشم شکاوه!
وه‌ره وه‌ک به‌نده‌رێ
ئامێزت بکه‌م به له‌نگه‌رم
ته‌نیایی ده‌ستڕێژم لێئه‌کات
من زۆر له غه‌ریبی ده‌ترسم
بانگم که…
با ئه‌وین بکه‌م به سه‌نگه‌رم
شکاوه، شکاوه…
به‌له‌می نه‌جاتم شکاوه
من بۆنی هه‌ڵۆ له هه‌ناسه‌ی بای زریان ده‌بیسم
وادیاره بۆ کۆتر ده‌رفه‌تێ نه‌ماوه.
جەلال مەلەکشا - جلال ملکشا - Jalal Malaksha