کتێبی زڕەی زنجیری وشە دیلەکان هه‌ڵبژارده‌یه‌که‌ لە شیعرەکانی ساڵەکانی ١٩٧٣ تا ٢٠٠٤ شاعیری کورد جەلالی مەلەکشا کە بۆ یەکەمجار لە ساڵی ٢٠١٤ لەچاپدرا. بابەتی سەرەکی ئەم بەرھەمە شیعریە دەربارەی بارو دۆخی کوردستان و ئێرانە. چەمکی زۆربەی شیعرەکان کۆمەڵایەتی یان سیاسین و بڕێ لە شیعرەکان ناوەرۆکێکی ئەویندارانەیان ھەیە و لە دەروونی خودی شاعیر ئەدوێن. زۆربەی ئەو بەرھەمە شیعرییانەی کە لە کتێبی کۆمەڵە شیعری زڕەی زنجیری وشەدیلەکاندا لە چاپدراوە پێشتر لە رۆژنامە و گۆڤارە کوردیەکاندا بڵاوبوونەتەوە. ئەم کتێبە با ئەوەیکە مۆڵەتی ئەوەی پێ نەدرا تا لە بەشەکانی دیکەی کوردستاندا (باکوور، باشوور و رۆژئاوا) لە بەر دەستی خوێنەر بێ سەرکەوتنی باشی بەدەست ھێنا و تا ئێستا سێ که‌ڕه‌ت چاپ بۆته‌وه‌.