بابەتەکان

جەلال مەلەكشا | Jalal Malaksha | جلال ملکشا

– شیعر و تفه‌نگ –

شیعر و تفه‌نگ

 

 

ئاخۆ له ‌سه‌ر سینگی دوژمن

زامی شیعر بێ‌ده‌رمانه‌

یا هی تفه‌نگ؟!

ئاخۆ له‌ تارمایی ژینا،

برووسکه‌ی گولله

یان بڵێسه‌ی پشکۆی شیعر

ئه‌شڵه‌قێنێ شه‌وی بێده‌نگ؟!

له ‌کازێوه‌ی ته‌نگه‌به‌را

تێگه‌یشتم

شیعر و تفه‌نگ، دوو هاوپشتن

که‌چی بینیم،

شاعیرێک و پێشمه‌رگه‌یه‌ک،

ده‌ستیان له ‌یه‌ک که‌له‌بچه‌دا

به‌ره‌و مردن ده‌ڕۆیشتن!

 

1380 – 2001

جەلال مەلەکشا - جلال ملکشا - Jalal Malaksha