بابەتەکان

جەلال مەلەكشا | Jalal Malaksha | جلال ملکشا

– جه‌رده ‌هاتن –

جه‌رده ‌هاتن

 

 

هاوارم کرد:

له‌خه‌و ڕابن

جه‌رده ‌دڵی شاری کرۆژی

گوێتان نه‌دا

چاوتان له ‌ناو شه‌واره‌دا

پتر قووچان

گوانی شه‌وتان له ‌ده‌م نابوو

شیری تاریکیتان ئه‌مژی!

جه‌رده‌ هاتن، جه‌رده ‌هاتن!

گه‌نجینه‌کانیان تاڵان کرد

خوێیان کرده‌ ڕووباره‌کان

ئێسک و پرووسکی شاریان شکان!

له‌ ژێر ته‌وژمی پۆستاڵا

هه‌ناسه‌یان له‌ نێو سینگتانا حه‌په‌سان

ته‌نانه‌ت ئاخ…

ده‌فری شه‌ویان

له ئه‌ستێره‌ و مانگ داته‌کان!

 

1360 – 1981

جەلال مەلەکشا - جلال ملکشا - Jalal Malaksha